Ҳафтаи таҳсилоти байналмилалӣ дар саросари ҷаҳон 15-19 ноябри соли 2021 таҷлил мешавад. Барои мусоидат дар таҷлили ин чорабинӣ, Сафорати ИМА дар Душанбе дар Маркази Амрикои Душанбе бо як қатор созмонҳои таълимӣ, аз ҷумла Шӯрои Амрико, EducationUSA, American Spaces, Донишгоҳи Осиёи Марказӣ, Донишгоҳи Амрикоии Осиёи Марказӣ, Сафорати Британияи Кабир ва Илмҳона презентатсияҳои шахсӣ баргузор мешаванд. Меҳмонон метавонанд дар бораи барномаҳои ин созмонҳо маълумот гиранд, дар бораи имкониятҳои таҳсил дар Иёлоти Муттаҳида маълумот гиранд ва дар бораи чӣ гуна дархост кардан саволҳо пурсанд. Сафорати Амрико дар Душанбе маросими ифтитоҳро шанбе, 13 ноябри соли 2021, соати 14:00 дар бораи барномаҳои таълими муаррифи мекунад. Ин ҷаласа мустақиман дар саҳифаи US Embassy Dushanbe дар Фейсбук баргузор мешавад. Ҷадвали чорабиниҳоро дар инҷо дастрас кардан мумкин: https://www.facebook.com/events/1538041539879299
Ҳафтаи таҳсили байналмилалӣ ин як имконият барои таҷлил намудани самараи таҳсил ва табодули таҳсили байналмилалӣ дар тамоми гӯшаву канори ҷаҳон мебошад. Ин ташаббуси муштараки Департаменти давлатӣ ва Вазорати маорифи ИМА як ҷузъест аз кӯшишҳои Иёлоти Муттаҳида дар тарғиби барномаҳое, ки аз як тараф барои омода сохтани халқи Амрико ба зиндагӣ дар муҳити ҷаҳонӣ равона гашта, аз тарафи дигар, пешвоёни кишварҳои дигарро ба омӯхтан ва истифода бурдани таҷрибаи пешқадами Иёлоти Муттаҳида ҷалб менамояд. Барномаҳои табодулӣ дар ташаккули ҳамдигарфаҳмиву эҳтироми якдигар байни халқҳо нақши бениҳоят муҳим мебозанд.
