Намояндаи ИМА дар Оҷонсиҳои озуқаворӣ ва кишоварзӣ СММ дар Рум сафир Дэвид Лейн аз 11-ум то 16 майи соли 2015 ба Тоҷикистон ташриф меоварад. Дар якҷоягӣ бо cафири ИМА дар Тоҷикистон Сюзан Эллиотт, сафир Лейн аз ҷамоатҳои деҳот бо мақсади арзёбӣ намудани ҳамкории ташкилотҳои озуқаворӣ ва кишоварзии ИМА ва СММ ҷиҳати дастгирии деҳқонон, намояндагони соҳаи тиҷорат ва ҳукумат, ки барои беҳтар намудани сатҳи амнияти озуқаворӣ ва рушди кишоварзӣ дар Тоҷикистон равона шудаанд, дидан хоҳанд кард.
Сафир Лейнро панҷ нафар рӯзноманигорон аз ҷумҳуриҳои Қазоқистон, Арманистон, Гурҷистон, Қирғизистон ва Тоҷикистон ҳамроҳӣ менамоянд. Онҳо аз лоиҳаҳои мухталиф, ки таҳти дастгирии Ҳукумати ИМА, Созмони озуқаворӣ ва кишоварзӣ (FAO), Барномаи озуқавории ҷахонӣ (WFP) ва Фонди байналмилалии рушди кишоварзӣ (IFAD) амалӣ мегарданд, дидан хоҳанд кард.
Барномаҳои мазкур ташабуси Ҳукумати ИМА“Озуқаворӣ ба хотири оянда”, ки таҳти роҳбарии Агентии ИМА оид ба рушди байналмиллалӣ (USAID) ва дигар барномаҳо, ки барои ислоҳоти замин, идоракунии босамари захираҳои об, таъмини кӯдак бо ғизои босифат ва саломатии модарон равона шудаанд, дарбар мегиранд. Инчунин барномаҳои озуқаворӣ ва кишоварзии СММ дар самти ассотсиатсияи зотпарварӣ, хоҷагии тухмипарварӣ ва беҳтар намудани маҳсулоти боғдорӣ; барномаҳои WFP, оид ба дастгирӣ намудани таботати норасоии шадиди ғизо, таъмини хӯрока барои мактаббачагон ва ҷомеаҳо дар сохтмони хати таъмини оби ошомиданӣ низ ба онҳо шомиланд.
Ҳамчунин, гурӯҳ аз барномаҳои IFAD, ки ба ҷамоатҳо дар равона кардани захираҳо ҷиҳати ҳалли мушкилоти иқтисодӣ ва иҷтимоӣ мусоидат менамояд, дидан мекунад. Чунин барномаҳо ба ташкилоти деҳот дар харид намудани таҷҳизот, идора кардани чарогоҳҳои маҳаллӣ ва баланд бардоштани самаранокии истеҳсолоти чорво имконият медиҳанд.
Сафари сафир Лейнро метавон аз саҳифаҳои интернетии намояндагии ИМА дар СММ Facebook ва Twitter пайгирӣ намуд. Ҳамчунин аз рафти кории ин гурӯҳ метавон аз саҳифаи Facebook-и Сафорати Амрико дар Тоҷикистон шинос шавед. Барои гирифтани маълумоти бештар дар бораи фаъолияти Ҳукумати ИМА ва оҷонсиҳои СММ дар самти баланд бардоштани амнияти озуқаворӣ ва мусоидат ба рушди устувори кишоварзӣ дар ҷаҳон аз сомонаи намояндагии ИМА дар СММ дастрас намоед.