Барномаи дастмузди хурди дастрасӣ ба омӯзиши забони англисӣ

Ҳадафи барномаи Барномаи дастмузди хурди дастрасӣ ба омӯзиши забони англисӣ таъмин кардани ҷавонони синни 14-18 солаи ғайриашроф бо имконияти омўзиши забони англисӣ ва густариши маҳоратҳои роҳбарӣ мебошад. Ба ғайр аз омўзиши забони англисӣ, дигар ҳадафи асосии барнома ба донишҷўён фаҳмонидани фарҳанг ва арзишҳои Амрико бо таъкид ба принсипҳои демократӣ ва фаъолиятҳои шаҳрвандӣ мебошад.

Дархостҳо барои барнома бояд шомили иттилоот дар бораи тадриси забони англисӣ ҳамчунин фаъолиятҳои хориҷ аз синф ва унсурҳои тақвиятӣ бошад. Мисолҳои тақвияти унсурҳои вобаста ба забони англисӣ ва фарҳанги Амрико фарогири фаъолиятҳое ба монанди драма, компютер, рақс, ҳунар, бозӣ, варзиш, сафарҳои маҳаллӣ, лоиҳаҳои махсуси фарҳангӣ ба монанди 4-и июл ё рушди маҳоратҳои роҳбарӣ, эҷоди рўҳияи кори гурўҳӣ, масъулияти ҷамъиятӣ ва чорабиниҳои таҳаммулпазирӣ  мебошанд.

Дарсҳои пуршиддати тобистонии Барномаи дастмузди хурди дастрасӣ ба омӯзиши забони англисӣ фаъолияти муҳим барои барномарезии ду соли забони англисии донишҷў мебошад.

Ҳамаи донишҷўёни Барномаи дастмузди хурди дастрасӣ ба омӯзиши забони англисӣ аз барнома фоида мегиранд, зеро маҳоратҳои пешрафтаи забони англисӣ дар ҳар сатҳе дурнамои шуғлёбии донишҷўро тақвият медиҳад, панҷараро ба ҷаҳони васеътари ғояҳо ва имкониятҳо боз мекунад ва онҳоро дар беҳтар саҳм гирифтан дар комёбиҳои иҷтимоиву иқтисодии хонавода, шаҳр ва кишвари худ тавонманд месозад.

Ба иловаи ин, баъзе донишҷўён маҳорати кофӣ дар забони англисиро барои баланд бардоштани тахассус ҷиҳати ширкат дар барномаҳои суннатии мубодилавии ECA ва низ дигар барномаҳои ғайридавлатӣ (идрори таҳсилӣ барои мактабҳои ҳамагонӣ ё таҳсил дар сатҳи донишгоҳ дар ИМА) касб мекунанд.

Лутфан барои гирифтани иттилооти бештар дар бораи барнома бо Таҳмина Ниязова дар Шўъбаи корҳои ҷамъиятӣ: NiyazovaTN@state.gov тамос бигиред.