Барномаҳои табодулии Ҳукумати ИМА

Шўъбаи робита бо ҷомеаи Сафорати ИМА дар Ҷумҳурии Тоҷикистон барои тақвияти фаҳмиши мутақобил миёни Иёлоти Муттаҳида ва Ҷумҳурии Тоҷикистон аз тариқи барномаҳои байналмилалии таҳсилӣ ва бозомўзӣ (тренингӣ) фаъолият мекунад. Муносибатҳое, ки дар миёни ширкаткунандагон арзи вуҷуд мекунад, ба пайвандҳои шахсӣ, касбӣ ва муассисавӣ дар миёни шаҳрвандони хусусӣ ва созмонҳо дар ИМА ва хориҷ оварда мерасонад.

Донишҷўён ва кормандони мутахассис метавонанд тибқи якчанд барномаи мубодилавие, ки аз  ҷониби ҳукумати ИМА пуштибонӣ мешавад, дархостнома ироа намоянд, ки аз тарафи Шўрои амрикоӣ (ACCELS) ва IREX (Шўрои байналмилалии таҳқиқ ва мубодила) идора мешаванд.

Ғайр аз ин, Маркази EducationUSA (маркази машваратии таҳсилотӣ) дар Душанбе аз тарафи Шўрои Амрикоӣ идора мешавад. Мушовирони EducationUSA дар пайдо кардани имкониятҳои таҳсилотӣ дар Иёлоти Муттаҳида ва ҳамчунин иттилоот дар бораи идрорҳо ва дастгирии молиявӣ метавонанд кўмак намоянд. Барои иттилооти бештар лутфан бо Шўрои Амрикоӣ дар Душанбе тамос бигиред.

Барномаи Фулбрайт барои муҳақиқон-донишмандони шинохтаи Тоҷикистонро ба Иёлоти Муттаҳида барои анҷом додани таҳқиқоти илмӣ дар донишгоҳҳои ИМА ба муддати як сол даъват менамояд.

Эълони барнома: Барномаи Фулбрайт барои муҳақиқон (соли таҳсили 2020 – 2021)
Мӯҳлати охирони ҳуҷҷатсупорӣ: 1-уми октябри соли 2019.

Барномаи Фулбрайт барои донишҷӯёни хориҷӣ ба донишҷуён ва мутахасисони ҷавон барои гирифтани дараҷаи магистр дар донишгоҳҳои Амрико шароит фароҳам меоварад.

Эълони барнома: Барномаи Фулбрайт барои донишҷӯёни хориҷӣ (соли таҳсили 2020–2021)
Мӯҳлати охирони ҳуҷҷатсупорӣ: 17-уми майи соли 2019.

Барномаи стипендияи Ҳуберт Ҳ. Ҳамфри барои мутахассисони ҷавони тоҷик имконияти таҳсили курсҳои даҳ моҳа, рушд додани маҳорати сарварӣ ва такмили ихтисос дар Иёлоти Муттаҳидаи Амрико фароҳам меорад. Довталабон ба барномаи мазкур дар асоси маҳорати сарварӣ ва шомил будан дар хизматрасонӣ ба ҷомеа дар бахши хусусӣ ё ҷамъятӣ интихоб карда мешаванд. Дар маҷмуъ ҳабдаҳ Донишгоҳ дар саросари Иёлоти Муттаҳида довталабони Барномаи Ҳамфриро фаро мегиранд.

Эълони барнома: Барномаи Ҳуберт Ҳамфри барои соли таҳсили 2020 – 2021
Мӯҳлати охирони ҳуҷҷатсупорӣ: 31-уми майи соли 2019.

Барномаи мубодилавии FLEX барои таҳсили ройгон дар ИМА барои хонандагони синфҳои болоӣ пешниҳод мегардад. Ҳар сол беш аз 35 ғолиб барои иштирок дар ин барнома интихоб мешаванд. Ғолибон дар оилаи мизбони интихобгардида зиндагӣ карда, дар мактаби миёнаи амрикоӣ таҳсил мекунанд. Таъсиси барномаи мубодилавии FLEX аз ҷониби Конгресси Иёлоти Муттаҳидаи Амрико пешниҳод гардида буд, то ки ба мардуми ИМА ва Тоҷикистон дар афзудани ҳамдигарфаҳмӣ ёрӣ расонад. Барнома 28 сол вуҷуд дорад, аз ҷониби ҳукумати ИМА маблағгузорӣ мегардад ва аз тарафи Бюрои барномаҳои таҳсилотиву фарҳангии Департаменти давлатии ИМА идора мегардад. Барномаи FLEX ғайр аз Тоҷикистон дар Арманистон, Озарбойҷон, Чехия,Эстония, Маҷористон, Гурҷистон,Юнон, Қазоқистон, Қирғизистон, Латвия, Литва, Молдова, Лаҳистон, Муғулистон,  Руминия, Словакия, Туркманистон ва Украина фаъолият мекунад.

Раванди ҷалб ва интихоби довталабон барои ин барнома аз тарафи Шўрои амрикоӣ баргузор мегардад. Барои иттилооти бештар, лутфан бо Шўрои амрикоӣ тамос гиред. Ҳамчунин, аз сомонаи: www.exchanges.state.gov боздид кунед.

Эълони барнома: Барномаи FLEX 

Барномаи Global UGRAD аз ҷониби Бюро оиди таҳсилот ва фарҳанги Департаменти Давлатии ИМА сарпарастӣ мешавад. Ин як стипендияест, ки дар давоми як семестр барои гирифтани таълими ғайриакадемӣ дар коллеҷ ё донишгоҳи таъйиншудаи ИМА маблағгузорӣ мешавад. Дар давоми барнома иштирокчиён дар назди худ вазифа мегузоранд, ки ҷомеа, фарҳанг ва таҳсилоти академии Амрикоро меомўзанд. Онҳо инчунин дар корҳои ҷамъиятӣ иштирок мекунанд ва малакаҳои касбии худро такмил медиҳанд.

Эълони барнома: Барномаи Global UGRAD барои солҳои 2020-2021
Мӯҳлати охирони ҳуҷҷатсупорӣ: 31-уми декабри соли 2019.

Барномаи FLTA аз ҷониби Идораи барномаҳои илмию фарҳангии (ECA) Департаменти давлатии ИМА маблағгузорӣ шуда, муддати 9-моҳ, бидуни тақдими унвони таҳсилотӣ давом меёбад. Ҳадаф аз он таҳкими малакаи таълимдиҳии забонҳои хориҷӣ дар коллеҷҳо ва донишгоҳҳои ИМА мебошад ва, дар айни замон, барои омўзгорони имрӯза ва ояндаи забони англисӣ фароҳам овардани шароити мусоид ҷиҳати такмили таҷрибаю малакаи худ дар риштаи забони англисӣ, васеъ намудани доираи донишу огоҳии худ дар бораи ҷомеа ва фарҳанги ИМА мебошад. Иштирокчиёни Барномаи FLTA ҳамчунин бо ҷамоатҳои мизбони худ тариқи гурӯҳҳо барои сӯҳбат, чорабиниҳои беруназсинфӣ ва лоиҳаҳо оиди гузаронидани корҳои иттилоотию маърифатӣ дар сатҳи ҷамоатҳо ҳамкорӣ хоҳанд кард. Баъд аз анҷоми барнома иштирокчиён бояд ба кишварҳои худ баргарданд.

Эълони барнома: Барномаи FLTA барои солҳои 2019-2020
Мӯҳлати охирони ҳуҷҷатсупорӣ: 4-уми июли соли 2018.

Барномаи TEA ба муаллимони мактабҳои миёна имкониятҳоеро барои рушди коршиносӣ дар соҳаи фаннии худ, тақсими малака ва маҳоратҳои тадриси онҳо ва афзоиши донишҳои онҳо дар бораи ИМА фароҳам мекунад.

Эълони барнома: Барномаи TEA барои соли таҳсили 2019 – 2020
Мӯҳлати охирони ҳуҷҷатсупорӣ: 20-уми феврали соли 2018.