Рӯзи 2-юми октябр Дафтари Маркази назорат ва пешгирии бемориҳои ИМА (CDC / CAR) дар Осиёи Марказӣ ба Институти ҷумҳуриявии илмӣ-тадқиқотии тиббии пешгирикунанда дар Ҷумҳурии Тоҷикистон ба маблағи 8,356 доллар маводи зарурӣ тақдим кард. Маводи интиқолёфта барои санҷиши COVID-19 истифода бурда мешавад.
Дар маҷмӯъ, CDC барои дастгирии Тоҷикистон дар мубориза бо эпидемияи COVID-19 1,69 миллион доллар ҷудо кардааст. Ин маблағ, дар навбати худ, танҳо як ҳиссаи дастгирии ба Тоҷикистон пешниҳодкардаи сохторҳои гуногуни давлатии Иёлоти Муттаҳидаи Амрико мебошад.
“Мо ҳукуматҳои чаҳор кишвари Осиёи Марказиро тавассути пешниҳоди таҷрибаи техникӣ, тайёр кардани мутахассисони соҳаи тандурустии ҷамъиятӣ ва хариди таҷҳизот ва лавозимоти зарурӣ дастгирӣ мекунем” иброз намуд, Директори CDC дар Осиёи Марказӣ, ҷаноби Дэниел Сингер. “Кори имрӯзаи, мо вобаста ба пешгирии COVID-19, ба ӯҳдадориҳои деринаи CDC дар мубориза бо ВНМО, сил, зуком ва дигар намудҳои пандемия дар минтақа, такя мекунад.”
CDC / CAR аз аввал вазоратҳои тандурустии Осиёи Марказиро тавассути расонидани кӯмаки техникӣ дар ҳолатҳои фавқулодда, амалиёти лабораторӣ, пешгирии инфилтратсия, пешгирии безурётӣ, санҷиш дар посгоҳҳои марзӣ, иртиботи хатар ва ҷалби ҷомеа ва назорати эпидемиологӣ дастгирӣ мекунад. Ғайр аз он, CDC / CAR дастурҳои техникии аз ҷониби ташкилотҳои пешбари байналмилалии тандурустӣ нашршударо барои паҳн кардан ба забони русӣ тарҷума мекунад.
Соли равон ба таъсисёбии дафтари CDC дар Осиёи Марказӣ 25 сол пур мешавад. Аввалин дафтари CDC дар минтақа соли 1995, дар Алмаато кушода шуда, имрӯз кормандони агентӣ дар Қазоқистон, Қирғизистон, Ӯзбекистон ва Тоҷикистон кор мекунанд. Онҳо вазоратҳои тандурустиро дар таълими кормандони соҳаи тандурустӣ, таҳкими системаи тандурустӣ ва вокуниш ба эпидемияи COVID-19, ВНМО, сил ва дигар бемориҳои сироятӣ дастгирӣ мекунанд.
Барои Шумо пешниҳод мешавад
