Шӯъбаи робита бо ҷомеаи Сафорати ИМА дар шаҳри Душанбе озмунро барои иштирок дар Барномаи Фулбрайт барои омӯзгорони забони хориҷӣ дар солҳои 2021-2022 эълон менамояд. Барномаи FLTA аз ҷониби Идораи барномаҳои илмию фарҳангии (ECA) Департаменти давлатии ИМА маблағгузорӣ шуда, муддати 9-моҳ, бидуни тақдими унвони таҳсилотӣ давом меёбад. Ҳадаф аз он таҳкими малакаи таълимдиҳии забонҳои хориҷӣ дар коллеҷҳо ва донишгоҳҳои ИМА мебошад ва, дар айни замон, барои омўзгорони имрӯза ва ояндаи забони англисӣ фароҳам овардани шароити мусоид ҷиҳати такмили таҷрибаю малакаи худ дар риштаи забони англисӣ, васеъ намудани доираи донишу огоҳии худ дар бораи ҷомеа ва фарҳанги ИМА мебошад. Иштирокчиёни Барномаи FLTA ҳамчунин бо ҷамоатҳои мизбони худ тариқи гурӯҳҳо барои сӯҳбат, чорабиниҳои беруназсинфӣ ва лоиҳаҳо оиди гузаронидани корҳои иттилоотию маърифатӣ дар сатҳи ҷамоатҳо ҳамкорӣ хоҳанд кард. Баъд аз анҷоми барнома иштирокчиён бояд ба кишварҳои худ баргарданд.
Иштирокчиёни Барномаи FLTA метавонанд дар давоми ҳафта то бист соат дарсҳои забонӣ таълим диҳанд. Аз онҳо инчунин талаб карда мешавад, ки ҳадди ақал дар ду курс барои ҳар семестр ба қайд гирифта шаванд, ки яке аз онҳо бояд доир ба таҳқиқоти ИМА бошад. Тайёр кардани кори курсӣ дар асоси аудит ё кредит пешниҳод карда мешавад. Аз иштирокчиёни Барномаи FLTA интизор меравад, ки онҳо ҳамчунин дар баргузории чорабиниҳои фарҳангӣ, маҳфилҳои забонӣ ва мизҳои мудаввар барои рушди малакаҳои забонӣ саҳми арзандаи худро мегузоранд.
Иштирокчиёни Барномаи FLTA бояд дар се чорабинӣ, ки зери сарпарастии ЕСА ва ҳамоҳангсозии Институти Таҳсилоти Байналмиллалӣ (IIE) сурат мегиранд, иштирок намоянд. Ташкил намудани чорабинӣ оиди раҳнамоии иштирокчиёни Барномаи FLTA ҳам пас аз ворид шуданашон ба қаламрави ИМА ва ҳам пеш аз ташриф овардан ба муассисаҳои қабулкунанда (мизбон) дар ИМА ва инчунин баргузор намудани конфронси нимсола ба нақша гирифта шудааст. Пас аз ворид шудан ба Иёлоти Муттаҳидаи Амрико, аз ҳамаи иштирокчиёни Барномаи FLTA иштирок дар чорабинӣ оиди раҳнамоӣ дар давоми тобистони соли 2021 (пеш аз ворид шудан ба муассисаи мизбон дар моҳи август) талаб карда мешавад. Илова бар ин, иштирокчиёни Барномаи FLTA бояд дар конфронси нимсола дар Иёлоти Муттаҳида (декабри соли 2021) иштирок кунанд, ки мақсади он гирифтани дарсҳои иловагӣ оид ба усулҳои таълим ва педагогика ва табодули иттилоот дар бораи таҷрибаи кунунии таълимдиҳии худ бо иштирокчиёни дигари Барномаи FLTA мебошад.
Иштирокчиёни барномаи FLTA бояд донанд, ки тағйирпазирӣ вобаста ба ислоҳоти имконпазири COVID-19 дар соли таҳсили 2021-22, аз ҷумла талабот оид ба омӯзиши фосилавӣ ва кӯмак дар ӯҳдадориҳои таълимии онлайн, талаб карда мешавад.
Иштирокчиёни барнома, тибқи талабот, муаллимони забони англисӣ ва ё донишҷўёне, ки дар оянда мақсади муаллими забони англисӣ шудан доранд, мебошанд. То 1 июни соли 2020, довталабони мазкур бояд ҳадди аққал дорои дараҷаи таҳсилоте бошанд, ки ба дараҷаи бакалаврии ИМА баробар бошад, то ки барои тақдим намудани нусхаҳои расмии ҳуҷҷатҳо пеш аз оғози Барномаи FLTA вақти кофӣ дошта бошанд. Дониши аълои забони англисӣ ҳатмӣ мебошад. Аз ин лиҳоз, гирифтани баҳоҳои зерин зарур аст: на камтар аз 550 хол (гузаштани имтиҳони TOEFL ба таври хаттӣ); 213 хол (гузаштани имтиҳони TOEFL тариқи компютер); 79-80 хол (гузаштани имтиҳони TOEFL тариқи Интернет) ва ё 6,0 (баҳои умумӣ аз рўи Системаи байналмилалии имтиҳони забони англисӣ – IELTS). То оғози марҳилаи мусоҳиба бо довталабон, аз онҳо ҷамъоварӣ намудани баҳоҳои қаноатбахш аз имтиҳони TOEFL ё IELTS зарур аст (то ҳадди имкон). Аз Институти Таҳсилоти Байналмиллалӣ (IIE) пешниҳод кардани гувоҳиномаҳо дар бораи гузаштан аз имтиҳони TOEFL шояд талаб карда шавад. Гувоҳиномаҳо дар бораи гузаштан аз имтиҳони TOEFL бояд пеш аз таъйини довталабҳо дархост карда шаванд. Агар ҳангоми эълони довталабҳо пешниҳоди баҳоҳо аз рўи TOEFL ё IELTS ба таъхир афтад, дар ин ҳолат бояд Маълумотнома дар бораи дониши аълои забони англисӣ пешниҳод гардад. Ба ҳар ҳол, баҳоҳо аз рўи TOEFL ё IELTS барои довталабҳои ниҳоӣ бояд ба Институти Таҳсилоти Байналмиллалӣ то 15-уми феврали соли 2021 пешниҳод карда шаванд.
Довталабон бояд ҷиддият, эътимоднокӣ, садоқат ва касбиятро зоҳир намоянд. Довталабони Барномаи FLTA бояд шахсони боғайрат, омӯзгорони навкор, қодир ба иҷрои ду нақш – ҳам омӯзгор ва ҳам донишҷӯ, бошанд. Онҳо бояд барои ҳамсокинӣ бо ҳамтоёни худ дар хобгоҳи донишгоҳ кушода бошанд. Инчунин, дар муошират бо омӯзгорону кормандони донишгоҳ онҳо бояд ҷиддият ва касбиятро нишон диҳанд.
Довталабон дар давоми раванди пешбарӣ ва интихоби онҳо бояд дар кишвари худ истиқомат кунанд ва пас аз итмоми барномаи 9-моҳаи FLTA бояд зуд ба кишвари худ баргарданд. ECA дархостҳои иштирокчиёни Барномаи FLTA-ро ҷиҳати тамдиди будубошашон дар ИМА дастгирӣ нахоҳад кард. Иштирокчиён бояд талаботро оиди истиқомати дусола дар кишвари худ риоя намоянд. Чунин талабот ба иштирокчиёни барномаи мубодила мувофиқи раводиди J-1 вогузор шудааст. Дар айни ҳол онҳо барои нишон додани саъю кўшишҳои худ дар роҳи таҳкими ҳамдигарфаҳмӣ ва, ҳангоми бозгашт ба ватани худ, мубодила намудани малакаҳову донише, ки дар давоми барномаи таълимӣ андўхтаанд, ўҳдадор мебошанд. Ҳуччатҳои довталабоне, ки дорои аризаи фаъол барои дарёфти сукунати доимӣ дар Амрико ё дорои лотереяи «Грин карт» мебошанд, барои иштирок дар барономаи мазкур баррасӣ карда намешаванд. Ба постҳо ва комиссияҳо тавсия дода намешавад, ки онҳо довталабонеро, ки такрор ба такрор кўшиши муҳоҷират кардан ба Иёлоти Муттаҳидаи Амрико доранд, пешниҳод намоянд. Довталабии ин гуна шахсон барои иштирок дар барномаи таълимӣ баррасӣ нахоҳад шуд ва раводиди J-1 баро онҳо содир нахоҳад гардид.
Вуҷуд доштани интиҳол (плагиат) дар аризаҳо ба мушкилии ҷиддӣ табдил ёфтааст. Бинобар ин, довталабон бояд огоҳ бошанд, ки чунин аъмол қобили қабул нест.
Тартиби пешниҳоди ариза: Аз ҳар як довталаб тақозо мешавад, ки тариқи системаи идоракунии онлайн, ки аз ҷониби Институти Таҳсилоти Байналмиллалӣ идора карда мешавад, аризаи худро ирсол намоянд. Баъд аз ирсоли аризаҳо, Комиссияҳои PAS ва Фулбрайт ба баррасӣ ва интихоби довталабон машғул мешаванд. Аризаҳои тасдиқшуда сипас ба IIE ва ECAбарои баррасӣ ва тасдиқи Шўрои Фулбрайт оиди идрорпулиҳои хориҷӣ (FFSB) фиристода мешаванд. Довталабон ба ариза тавассути сомонаи https://apply.iie.org/FLTA2021 дастрасӣ пайдо хоҳанд кард.
Бастаи ҳуҷҷатҳо: бастаи пурра ҳуҷҷатҳои зеринро дар бар мегирад: ариза – онлайн, нусхаҳои аслии ҳуҷҷатҳои таҳсилотӣ бо тарҷумаи тасдиқшуда ба забони англисӣ, диплом (дар ҳолати хатм намудани донишгоҳ), се тавсиянома ва ҳисобот оиди баҳоҳо аз имтиҳоноти TOEFL ё IELTS. Лутфан дар хотир доред, ки шиносномаи эътиборнок бо мўҳлати баохиррасии на дертапр аз 31 декабри соли 2022 талаб карда мешавад. Ҳеҷ яке аз ҳуҷҷатҳои шомили бастаи ариза набояд тариқи почтаи электронӣ фиристода шавад. Довталабони муваффақ оиди дар озмун комёб гардиданашон дар давоми моҳҳои март – маи соли 2021 хабардор карда мешаванд.
Таъминоти пулӣ дар доираи Барномаи Фулбрайт барои омӯзгорони забони хориҷӣ: ба ҳамаи иштирокчиёни Барномаи FLTA идрорпулии ҳармоҳа, суғурта аз садамаҳо ва суғуртаи тиббӣ, инчунин маблағгузорӣ дар ҳамлу нақл таъмин хоҳад гардид. Идрорпулии ҳармоҳа танҳо барои қонеъи эҳтиёҷоти аввалиндараҷа пешниҳод шудааст ва тағйир додани он мавриди муҳокима қарор дода намешавад. Муассисаҳои таълимии мизбони ИМА бо мақсади мусоидат намудан ба довталаб ҷиҳати анҷоми кори курсии зарурӣ дар пардохтани ҳақи таълим тахфиф пешниҳод менамоянд.
Агар шумо дар робита ба барномаи мазкур ва ё раванди пешниҳоди ариза саволҳо дошта бошед, лутфан ба шахси мутасаддӣ ба суроғаи зерин муроҷиат намоед:
Таҳмина Ниязова
Сафорати ИМА дар Душанбе
Шӯъбаи робита бо ҷомеа
Хиёбони Исмоили Сомонӣ 109 A
Тел: (992) 37-229-2316; 229-2000
NiyazovaTN@state.gov
Мӯҳлати пешниҳоди аризаҳо то 20-уми июли соли 2020.
Аризаҳое, ки аз мўҳлати таъйингардида дертар пешниҳод мешаванд, баррасӣ нахоҳанд шуд.
